My first time..

Smá NOSTALGÍA hérna meginn! Var að skoða fyrsta pistilinn sem ég skrifaði :)) Hvernig fílar þú refaskottin?

Refaskottin snúa aftur : Búðu til  þitt eigið fyrir minna en 2000 kr

Loðfeldir af öllu tagi eru það heitasta í dag, hvort sem það er á skóm, kápum ,vestum,  húfum eða töskum.  Þetta má sjá á öllum heitustu tískubloggunum í dag

Inná síðunni wheredidyougetthat má sjá ófáar færslur þar sem skinn koma við sögu sem og á bleedforfashion og hinni þekktu fashiontoast.

Eins flestir vita fer tískan alltaf í hringi og getur því verið sniðugt að geyma föt og hluti. Hver veit nema það komi í tísku eftir nokkur ár og þá getur verið gott að geta skotist niður í geymslu og grafið það upp aftur. Þannig geturðu sparað þér háar fjárhæðir fyrir utan það að gömul klassík er oft mikið flottari en fjöldaframleidd tískubóla.  

Skinn og feldir hafa í raun aldrei dottið úr tísku, þó að yngri kynslóðin hafi farið á mis við hlýjar vetrarflíkur í sínum næfurþunnu gerviefnum. Pelsar eru ekki lengur merki um ríkidæmi og þjóðfélagsstöðu heldur hafa þeir öðlast nýjan sess í rokkaðari og pönkaralegri stíl. Í stað þess að pelsar séu yfirhöfn yfir síðkjóla eru þeir notaðir við hversdagsleg tækifæri í bland við galla – og leðurefni.

Refaskott 1 :  Mikið úrval er af ýmsum tegundum refaskotta ásamt krókum, þetta er keypt í Hvítlist á undir 1700 krónum og krókurinn á 90 krónur.

Refaskott 2: Á skottunum er flipi sem er þræddur í gegnum hringinn á króknum.

Refaskott 3: Endarnir eru klemmdir saman þannig að hliðarnar séu jafnar.

Refaskott 4: Skinnið saumað hringinn, bæði hægt að nota saumavél og sauma í höndunum sé nálin nógu beitt.

Refaskott 5: Krókurinn er hengdur með áföstu skottinu og krækt í töskur, belti eða annað sem heillar.

Refaskott 6: Hér er gott dæmi um töff refaskott fest á tösku.

Refaskott 7: Kim Kardashian er meðvituð um að feldar séu í tísku og skartar hér forláta vesti.

Refaskott 8: Sienna Miller hefur alltaf verið þekkt fyrir flottan stíl og hitter að sjálfsögðu í mark með þessari flottu kápu.

 

Eftir því sem að eftirspurnin eykst hækkar verðið með og eru skinnin engin undantekning þar , en hér er góð leið til að fá þetta “lúkk”  á einfaldan og ódýran máta.

x x